لا تؤاخذونى
الحاله صعبه ومش عارف زهقاااااااااااااان
طهقااااااااااااااااان
فلسااااااااااااااااااااان
ولما جيت اتكلم قاللولى
عزيزى المواطن بتاع النضال
يا راكب دماغك و غاوى الحلال
نصيحة يا صاحبى بلاش الخيال
و غمض عيونك و ربى العيال
بلاش المناكفة و لايم و عيش
هتتعب معانا و سهمك يطيش
ونلفق لاهلك قضية حشيش
و تصبح حكاية و نكتة و مثال
تعالى وهاودنا وعدى الامور
وعيش فى الطراوة و خش الطابور
لكن لو هتزعل و دمك يفور
هنشهد نهايتك فى بحر الرمال
هتصبح حرامى هتصبح امير
هتصبح حرامى و ندل و اجير
ونقدر نلخبط فى اصلك كتيير
وجدك شحاتة هيصبح شحول
هنحلف ان الحبايب شافوك
بتقبض يا خاين و تقتل اخوك
ساعتها مراتك هتلعن ابوك
وتلطم و تنعى احط الرجال
مالكش انت دعوة بايه اللى ضاع
ومين اللى شارى و مين اللى باع
ومين اللى كال ومين اللى شال
حب الحكومة و حب السلام
وعلم ولادك يشدوا الحزام
عشان بكرة يمكن هياكلو حمام
وينسوا المجاعه وينسوا الهزال
لازم يا صاحبى تغمض عنيك
وطنش علينا نطنش عليك
و اياك تشاور نقطع ايديك
و تصبح مواطن ما يسواش ريال
عزيزى المواطن بتاع النضال
يا راكب دماغك و غاوى الحلال
نصيحة يا صاحبى بلاش الخيال
وغمض عيونك و ربى العيال
ربنا يستر
علينا مواطن مصري
ليست هناك تعليقات:
إرسال تعليق